25/10/11

Xornadas sobre Aproveitamento Multifuncional dos Montes Veciñais




venres, 28 as 16.30 horas:

Visita guiada polos montes veciñais de Vincios-Gondomar

Lugar de reunión: Centro Cultural de Vincios

sábado, 29 as 18.00 horas

Lugar: Salón de actos do Centro Cultural de Vincios

PONENCIAS

. Experiencias produtivas innovadoras nos montes comunais

por Xavier Simón, profesor de Economía Ecolóxica na Universidade de Vigo

. Abellas e biodiversidade

por Xesús Asorey, secretario da AGA, Asociación Galega de Apicultura

. O man común. Outro xeito posible

por Santiago González, secretario da Comunidade de Montes de Mouriscados (Mondariz)

MESA REDONDA

Coa participación do público en xeral, técnicos e Comunidades de Montes Veciñais

POR UNHA XESTIÓN SOSTIBLE DOS NOSOS MONTES

CLAUSURA

A cargo do Presidente da Organización Galega de Comunidades de Montes,

Xosé Alfredo Pereira

domingo, 30 as 10.30 horas

Visita guiada polos montes veciñais de Couso-Gondomar

Lugar de reunión: Centro Cultural de Vincios

Teléfonos de contacto:

Xosé Manuel Docampo 665 10 60 32

Oficiña da Comunidade de Montes de Vincios: 986 46 96 92. O horario de oficiña é : de luns a venres de 9 a 14 horas e de 16 a 19 horas.

Vos esperamos…

16/10/11

IV Xornadas de ConCiencia Ecolóxica




PROGRAMA

Apadriñamento dun treito do Río Caselas (sábado 22, ás 11:00h): A Asociación C.D.E. Treze Catorze, en colaboración con Adega, vai apadriñar un treito do Río Caselas. Con este acto simbólico realizarase unha análise da calidade das augas para comprobar en que estado se atopan. A Treze Catorze será a encargada, desde entón, de vixiar periodicamente que nese treito do río se conserve un ecosistema saudable. (Saída ás 10:30h desde a Pza. do Concello.)

Obradoiro de instrumentos musicais (sábado 22, ás 16:30h): Actividade pensada para os cativos e as cativas onde se elaborarán distintos instrumentos musicais a partires de materiais reciclados que todos e todas atopamos a cotío nas nosas casas.

Charla “A importancia do solo como medio vivo en agricultura ecolóxica” (sábado 22, ás 18:30h): O enxeñeiro agrícola, Javier Grien Vecino, faranos ver a relación que existe entre a importancia de empregar a biodiversidade do solo para conseguir condicións óptimas nun cultivo ecolóxico.

Charla “Pinturas ecolóxicas” a cargo do Pintor de Quins (sábado 22, 19:30h): Desta charla sairemos convencidos de que as pinturas convencionais coas que actualmente pintamos os nosos fogares non son nada apropiadas, entre outras cousas, pola cantidade de volátiles tóxicos que conteñen. O pintor de Quins (Ourense) será o encargado de contarnos a súa experiencia persoal e o porqué de traballar con produtos naturais. De seguro que non nos vai deixar indiferentes.

Visita a “Ecocelta” (domingo 23, ás 11:00h): A empresa Ecocelta, adicada á fabricación de fertilizantes orgánicos e substratos para a xardinaría a través da compostaxe e da vermecultura, terá a xentileza de abrirnos as portas para amosarnos as súas instalacións e como elaboran os seus produtos. Ademáis, analizarán as diferenzas e vantaxes que existen ao empregar os seus produtos naturais fronte ós convencionais. Será una visita guiada por Sergio Quiroga, socio fundador de Ecocelta. (Saída ás 10:00h da Pza. do Concello).

Obradoiro “Fai a túa camisola” (domingo 23, ás 16:30h): Neste obradoiro animaremos a darlle nova vida ás vellas camisolas exercitando para iso o talento e a imaxinación. Os participantes, axudados polos monitores de Tinta de Lura e por medio de diversos xogos e dinámicas de escrita creativa e debuxo, deberán exercer de deseñadores para crear os lemas e os deseños que han lucir nas súas propias camisolas. Requirimentos: cada participante deberá achegar unha camisola usada para realizar o obradoiro, a poder ser branca ou clariña e sen debuxos nin deseños.

Charla “Cooperativa de Consumo: vantaxes e dasafíos” (domingo 23, ás 18:30h): A Sociedade Cooperativa Galega “Árbore” é un claro exemplo do bo funcionamento que pode acadar un colectivo de consumo de produtos ecolóxicos. Dous membros pertencentes a distintas cooperativas falarannos da súa experiencia e mostrarannos o cómo e porqué de formar parte dunha delas.

Proxección do cinema “Os nosos fillos acusarannos” (domingo 23, ás 19:30h): Un documental francés de Jean-Paul Jaud sobre a primeira xeración de nenos e nenas da historia que vivirá menos que os seus pais ó estaren expostos desde a infancia a unha gran cantidade de tóxicos, principalmente, a través da alimentación.

5/10/11

15 DE OUTUBRO - UNIDOS POR UN CAMBIO GLOBAL




O 15 de outubro persoas de todo o mundo tomarán as rúas e as prazas. Desde América a Asia, desde África a Europa, a xente está a levantarse para reclamar os seus dereitos e pedir unha auténtica democracia. Agora chegou o momento de unirnos todos nunha protesta non violenta a escala global.

Os poderes establecidos actúan en beneficio duns poucos, desatendendo a vontade da gran maioría, sen importarlles os custos humanos ou ecolóxicos que teñamos que pagar. Hai que pór fin a esta intolerable situación.

Unidos nunha soa voz, faremos saber aos políticos, e ás elites financeiras ás que serven, que agora somos nós, a xente, quen decidiremos o noso futuro. Non somos mercadoría en mans de políticos e banqueiros que non nos representan.

O 15 de outubro atoparémonos nas rúas para pór en marcha o cambio global que queremos. Manifestarémonos pacíficamente, debateremos e organizarémonos até logralo.

É hora de que nos unamos. É hora de que nos escoiten.



Tomemos as rúas do mundo o 15 de outubro!

21/9/11

MÓLLATE POLOS RÍOS



Este 2 de Outubro celebraráse a IV Limpeza Simultánea de Ríos. Xa levamos colaborando co Proxecto Ríos (quen organiza este día de Limpeza Simultánea en numerosos concellos de Galicia) dende o ano 2008.

É un día no cal voluntarios e voluntarias saen aos seus ríos para recoller o lixo que atenta contra a riqueza dos nosos ecosistemas fluviais. Miles de quilogramos de refugallos xa foron extraídos de moitos ríos galegos polos centos de voluntarios/as que teñen participado nas limpezas anteriores.

Animámosvos a participar este ano para que vos acheguedes ao voso río e recollades ese lixo que acaba coa súa biodiversidade e beleza.

O máis importante deste día é a labor de concienciación social que entre todos e todas realizamos. Axudamos a manter un bo estado de conservación nos nosos ecosistemas fluviais e facémoslle ver á cidadanía que as pequenas accións valen moito.

Como cada ano, limparemos un treito do noso Río Caselas.

Se estás interesado en participar podes porte en contacto con nós:

Correo: trezecatorze@gmail.com

Tlf: 615421199

15/9/11

II Andaina Pola Protección da Serra do Galiñeiro


Aloia-Galiñerio

Por unha serra sen eólicos !!

- Día: Domingo 18 de setembro de 2011

- Saída: Capela do Monte Aloia as 11:00 h

- Chegada: Parque Forestal do Galiñeiro (Vincios) 15:00 h

- Ruta lineal de aproximadamente 10 km (3-4 horas)

- Á Chegada lerase o manifesto. Poderás adquirir a túa camiseta do Galiñeiro. Faremos un xantar popular coa comida que traia cada un. Haberá música e animación.

- Recoméndase levar:

  • Calzado cómodo
  • Auga e comida para o final

- Autobuses desde Vigo e Vincios. Necesaria inscrición previa *

- Zonas de aparcamento no Aloia, Galiñeiro e Prado*

Convoca a Plataforma pola Protección da Serra do Galiñeiro:

A Ría Non de Vende, ADEGA, A.C. Berra Val Miñor, AGA (Asoc.Galega Apicultura), Amigos da Terra, Asoc. ”Festa da Prehistoria”, Asoc. Trece Catorce, Asoc. Veciñal Casco Vello, Asoc. Veciños de Vincios, Asoc. A Groba, Asoc. Mundo Minero, C.C. As Pedriñas, C.M.V.M.C. de Chaín, C.M.V.M.C. de Couso, C.M.V.M.C. de Vincios, C.S. A Revolta, Club Escalada Montaña Azimut, Club Montañeiros Celtas, Club Peña Trevinca M.G., Clube de Montaña Xistra, Clube Espeleolóxico Mauxo, C S A Faisca, Federación A.A.V.V. Eduardo Chao-Vigo, Federación Galega Montañismo, Instituto de Estudos Miñoranos, Outrovigoéposible, Plataforma Defensa da Ría Cíes, Salvemos Monteferro, SOS Serra da Groba,Verdegaia.

3/8/11

FESTIVAL AO COMPAZ DE SAUMEDE



Despois duns meses de relax, a ACDE Treze Catorze volve con moita forza para axudar aos compañeir@s da "Association El Pueblo" Saumede (A Bola)
no seu intento de revitalizar esta aldea fai anos abandonada, pero que actualmente da man destes franceses e galegos volve ter vida... e que vida!!

Pois iso, a Treze Catorze adentrarase nas Terras de Celanova o sábado 20 de agosto para botar unha man nas poucas cousas que sabemos facer: Algún obradoiro por aquí, algunha actuación por alá,... O que non faltará seguro é unha boa festa nunha paisaxe que merece a pena coñecer, visitar, e quen sabe se vivir algún día nela... JA!

Vémonos Ao Compaz de Saumede!!!!!!!

15/6/11

Non ao pacto do Euro 19.06.11

¡Democracia Real Xa! (19.06.11)

Non ao pacto do Euro

Domingo, 19 de xuño
Hora: 18:00 - 21:00
Praza de España - Vigo


¿Sabes o que se está a cocer en Europa? Pacto do Euro.

¿Sabes que a pesar das movilización do 15 de Maio (España, Grecia, Francia) todo segue igual e se quere seguir recortando dereitos e servizos? Pacto do Euro.

¿Sabías que se pretende que os recortes en España as dicte Bruxelas? Pacto do Euro.
QUE NON CHO CONTEN, ¡NFÓRMATE!


O Domingo 19 de Xuño tomaremos unha vez máis a rúa para reivindicar o dereito da cidadanía a unha economía e unha política xustas, igualitarias, democráticas e en servizo da sociedade, e non dos grandes capitáis.

Esta movilización é a nivel estatal e será secundada en todas as principáis cidades do estado, así como en múltiples cidades Europeas e extranxeiras.


OBXECTIVOS DA MOVILIZACIÓN:

1.- Plasmar o noso rexeitamento ao Pacto do Euro

2.- Mostrar a nosa indignación ante o acontecido en Plaza Catalunya cos antidistubios, a violencia de estado e a irresponsabilidade e impunidade do Sr. Felip Puig, Conseller de interior de Cataluña (Convergencia Democrática de Cataluña)

3.- Alzar a nosa voz en contra da pasividade da clase política ante as voces dos cidadáns que en masa saíron a rúa o 15M.

4.- Reivindicar as propostas de reforma expresadas por Democracia Real Xa, listadas nos 8 puntos plasmados na web da plataformahttp://www.democraciarealya.es/


Esta será unha manifestación pacífica, a voz do pobo que sae a rúa cansados de ser mercadorías en mans de políticos e banqueiros. Recordade que tanto a manifestación como o movimento 15M e un movimento cidadá de reivindicación política e social, apartidista e asindical. Por favor, abstédevos de traer a manifestación calquer tipo de simboloxía política, partidista, sindical ou relixiosa.

O primer obxetivo foi sacar a xente a rúa, crear conciencia social e pensamento crítico na nosa sociedade... lográmolo. Agora temos que lograr que os políticos non poidan seguir ignorando a voz do pobo.

Axúdate a conseguilo.

Únete, ¡tod@s xunt@s podemos!


PERCORRIDO:

Concentración en Praza de España para baixar pola Gran Vía até Praza de América, conectar con Avenida de Castrelos e rematar no Parque Quiñones de León (Castrelos).

2/6/11

Manifesto Xuventude SEN futuro


Nós, mozos a mozas, a xuventude sen futuro, dirixímonos à opinión pública para amosar o noso desacordo coa política de recortes sociais do Goberno, e a consecuencia máis grave e con maior impacto no futuro que estas medidas representan: a xuventude máis preparada da nosa historia vai vivir peor que os seus pais.

A agresión contra o colectivo xuvenil nun escenario de crise capitalista, cunha taxa de paro xuvenil do 40%, a máis alta da UE, materialízase principalmente en tres medidas:

  • A reforma laboral, que aumenta a temporalidade dos nosos contratos, a flexibilidade laboral e supón a desaparición da negociación colectiva, converténdonos traballadores/as precarios/as de por vida.

  • A reforma do sistema de pensións, que retrasa a idade de xubilación e reduce a contía das nosas futuras pensións e dificúltanos aínda máis atopar un traballo digno. Todo isto formúlanos un horizonte sen futuro.

  • A mercantilización da Educación Pública, que aposta pola rentabilidade privada, e non pola formación e o coñecemento. Unha universidade de elite para unha minoría e fábrica de precarios para unha maioría, con medidas que concretanse nunha nova selectividade que

    pon trabas ao acceso á universidade e na degradación da formación profesional.

Somos as mozas e os mozos a quen ás elites económicas e as políticas dos nosos gobernos quéren converternos na xeración sen formación, nin traballo, nin pensión digna. Aqueles que, ademais non imor ter unha casa na nosa vida, dende que os especuladores fixeron do dereito á vivenda un negocio co que enriquecerse; un modelo de crecemento económico que fracasou e xerou esta crise. Tomamos conciencia de que as medidas de saída da crise económica realizáronse a través dunha constante socialización das perdas.

Fronte á saída da crise pola dereita, nos, a xeración precaria, sinalamos aos culpables e reivindicamos ser escoitados.

Queremos recuperar a nosa capacidade para ser actores dun motor de cambio, combatendo un país de precariedade, desemprego e privatización da nosa educación. Somos ademais conscientes de que a mobilización e a loita teñen un sentido, pero sobre todo de que son necesarias; Italia, Francia, Grecia ou Islandia ensínannos que a mobilización é indispensable. O mundo árabe amósanos que a vitoria é posible.

Por iso facemos un chamamento a un ciclo de mobilizacións que recuperen a voz da xuventude na rúa, e facémolo extensivo á sociedade civil. Nos non nos fiamos, sabemos que isto soamente solucionarémolo sen os que causaron esta crise. Instamos a emprender a mobilización colectiva, a reivindicar o noso dereito a disentir, a reconstruír o noso futuro.

Os abaixo asinantes, estudantes e membros da comunidade educativa, xoves traballo

dores e traballadoras, movementos sociais, profesionais da ciencia, a técnica, mundo da cultura e das artes avalan coa súa firma este chamamento á mobilización.










«Quitástesnos demasiado, agora querémolo todo»

Manifesto DEMOCRACIA REAL XA

Somos persoas normais e correntes. Somos coma ti: xente que se levanta polas mañás para estudar, para traballar ou para buscar traballo, xente que ten familia e amizades. Xente que traballa arreo todos os días para vivir e darlles un futuro mellor a quen nos rodea. Algunhas destas persoas considerámonos máis progresistas, outras máis conservadoras. Unhas crentes, outras non. Unhas temos ideoloxías ben definidas, outras considerámonos apartidarias e outras apolíticas… Pero todas e todos estamos preocupados, indignados polo panorama político, económico e social que vemos arredor de nós. Pola corrupción da clase política, empresarial e da banca… pola indefensión da cidadanía de a pé. Esta situación fainos dano día tras día. Pero se nos unimos, podemos mudala. É hora de pórse en movemento, hora de construírmos entre todos, entre todas, unha sociedade mellor. Por iso sostemos firmemente o seguinte:

  • As prioridades de toda sociedade avanzada deben ser a igualdade, o progreso, a solidariedade, o libre acceso á cultura, a sustentabilidade ecolóxica e o desenvolvemento, o benestar e a felicidade das persoas.
  • Existen uns dereitos básicos que deberían estar cubertos nestas sociedades: dereito á vivenda, ao traballo, á cultura, á saúde, á educación, á participación política, ao libre desenvolvemento persoal e ao consumo dos bens necesarios para unha vida saudable e feliz.
  • O actual funcionamento do noso sistema económico e gobernamental non atende a estas prioridades e constitúe un atranco para o progreso da humanidade.
  • A democracia parte do pobo (demos = pobo; cracia = goberno), de xeito que o goberno debe ser do pobo. Así e todo, a maior parte da clase política nin sequera nos escoita. As súas funcións deberían ser as de levar a nosa voz ás institucións, facilitando a participación política e cidadá mediante vías directas e procurando o maior beneficio para o groso da sociedade, non a de se enriqueceren e medraren a expensas de nós, atendendo unicamente aos ditados dos grandes poderes económicos e aferrándose ao poder mediante unha ditadura partitocrática encabezada polas inamovibles siglas do PPSOE.
  • A ansia e acumulación de poder nunhas poucas mans xera desigualdade, crispación e inxustiza, o cal conduce á violencia, que nós rexeitamos. O obsoleto e antinatural modelo económico vixente bloquea a maquinaria social nunha espiral que se consome a si mesma enriquecendo unha minoría e sumindo o resto na pobreza e escaseza. Até o colapso.
  • A vontade e fin do sistema é a acumulación de diñeiro, primándoa por riba da eficacia e o benestar da sociedade, estragando recursos, destruíndo o planeta, xerando desemprego e consumidores infelices.
  • Os cidadáns somos parte da engrenaxe dunha máquina destinada a enriquecer unha minoría que non sabe nin das nosas necesidades. Somos xente anónima, pero sen nós, nada disto existiría, pois nós movemos o mundo.
  • Se como sociedade aprendemos a non confiar o noso futuro a unha abstracta rendibilidade económica que nunca redunda en beneficio da maioría, poderemos eliminar os abusos e carencias que todos e todas nós sufrimos.
  • É necesaria unha revolución ética. Puxemos os cartos por riba do ser humano, mais temos que pólos ao noso servizo. Somos persoas, non produtos do mercado. Eu non son só quen compro, por que o compro e a quen llo compro.

Por todo o exposto, estamos indignados, estamos indignadas. Cremos que podemos mudalo. Cremos que

podemos axudar. Sabemos que, unidos, podemos. Sae connosco. É o teu dereito.



26/4/11

Señores, Señoras: Xa non queda nada para a ... ... ... IV FESTA 13/14







Amigos da festa, da algueirada, da esmorga, da xolda e da troula, a Asociación Cultural Deportiva e Ecoloxista Treze Catorze convídavos o 12-13-14 de maio a súa IV Festa Trezecatorzeadora cun menú cheo de repeniques e trouleos. Será unha xornada chea de felicidade musical, gastronómica e por suposto festeira. Desde a sesión vermú, o afinar dos instrumentos populares, as tapiñas para que non sente mal o viño até a madrugada, esperámosvos coas vosas ganas de troula e as vosas dotes para bailar funky, skas, reegues, e moito máis! Apertas e até PRONTO.







7/4/11

ÁRBORES SENLLEIRAS EN ENTENZA, SALCEDA DE CASELAS




A A.C.D.E. Treze Catorze vai solicitar que as Sobreiras da Ascensión na parroquia de Entenza sexan inscritas no "Catálogo Galego de árbores senlleiras".
Para iso organizamos o vindeiro sábado 16 de abril este acto no que invitamos a todo o mundo a que se achegue ata alí para coñecer un pouco máis esa Salceda descoñecida pero cun valor incalculable.

Vémonos o sábado 16 de abril ás 12:00 na Ascensión.

30/3/11

Xeopatrimonio Da Serra Do Galiñeiro - Monte Aloia

O vindeiro sábado, 9 de abril as 19:00 horas no Antigo Convento de Santo Domingo, rúa Antero Rubín, en Tui se celebrará a

CONFERENCIA: Xeopatrimonio da Serra do Galiñeiro - Monte Aloia

dirixida polo Clube Expeleolóxico Maúxo e o Instituto Universitario de Xeoloxía Isidro Parga Pondal

A conferencia constará de duas partes:

PARTE 1: Orixe xeolóxica, que correrá a cargo de D. Juán Ramón Vidal Romaní, Catedrático de Xeoloxía da Universidade de A Coruña .

PARTE 2: As Covas: Tesouros xeolóxicos baixoterreños inéditos. a cargo de D. Marcos Vaqueiro Rodríguez, Presidente do Clube Espeleolóxico Maúxo.

Non volo perdades.