II Feira Conciencia Ecolóxica en Salceda, Xornadas de Consumo Responsable

Moi boas!

Un ano máis, a Asociación C.D.E. Treze Catorze ten o pracer de organizar a II Feira CONciencia Ecolóxica, Xornadas de Consumo Responsable.

Este ano contamos cunha ampla programación de actividades polo que vos animamos a que pasedes o próximo 19 e 20 de decembro a partires das 11:00h da mañá pola Praza do Concello de Salceda de Caselas e que botedes unha ollada. Aclaramos que todas as actividades que se presentan son totalmente gratuitas. Ademáis, imos contar cunha carpa que permanecerá aberta durante todo o día na que haberá un mercadiño con stands de produtos ecolóxicos, de comercio xusto e artesanía (gran oportunidade para ultimar os agasallos de Nadal), ademáis de postos de información de ong´s e de asociacións ecolóxicas que estarán a vosa disposición para calquer dúbida que queirades consultar.

Como non podía ser doutra forma, a Asociación Treze Catorze non se esquece da troula e, por iso, contaremos tamén con moi boa e variada música ao remate de cada xornada: O sábado o "Grupo de gaitas de Castro Barreiro" e "Cencerro Negro" (timbalada de Vigo) , e o domingo o grupo local de metais "Be Metals".

Unha forte aperta. Saúde!!

PROGRAMACIÓN

Sábado 19

12:00 - Charla / Conferencia: “Conservación da micobiota Galega” (Oscar Requejo).
17:00 - Charla / Conferencia: “Por que son necesarias as alternativas á banca?” (Eva Gil).
17:00 - Obradoiro: Adornos de nadal a partir de material de refugallo (María Xosé Castro).
19:00 - Charla / Conferencia: “Introducción á agricultura ecolóxica” (Belén Fervenza Couñago e Xacobe Ojea Reyes).

20:00 - Música en directo: Música tradicional “Grupo de Gaitas de Castro Barreiro”.

21:00 - Música en directo: Timbalada “Cencerro Negro” (Vigo).

Domingo 20

12:00 - Charla / Conferencia: “Land art. A arte como ferramenta na restauración de canteiras na Galiza” (Almudena Rodríguez).
13:00 - Obradoiro: Comida Vegana. Asociación Cultural Caleidoskopio (Paula e Tedi). Previa inscripción (660235277).
16:30 - Charla / Conferencia: “A naturalización do Eucalipto e o seu impacto no Ecosistema Galego” (Sergio Quiroga).
17:00 - Obradoiro: Abelorios con materiais reciclados (Neida Vila / Olaia González).
18:00 - Charla / Conferencia: “O textil no mundo” (Neida Vila).

20:00 - Música en directo: Grupo de metais “Be Metals” (Salceda).

Sábado e Domingo

Exposición: “Operación Monarca (Migración extraordinaria dunha bolboreta)”.
Exposición: “O noso mundo, o noso futuro, a nosa opción (Cambio climático)”.
Mostra de produtos ecolóxicos, comercio xusto, artesanía e ONG´S.

· Sábado e Domingo apartires das 11 na Praza do Concello.
· Charlas, conferencias e exposicións teran lugar no auditorio municipal o resto de actividades na praza do concello.

A LNB réndese ante as nosas palanadoras

Menudo piropos din na crónica do blog oficial da pincha... Os homes da 13/14 son bastantes malos... pero as mulleres trezecatorzeadoras manteñen o nivel... e incluso levan premios!!

Ghuapas!!

Extracto da crónica:

• Pauliña convertiuse na primeira xogadora en facer un varado, e Ana Diz e Lorena tamén conseguiron os seus.
• ...e as mulleres demostraron o altísimo nivel que están acadando esta tempada cos primeiros varados con selo feminino na LNB Sur: o primeiro foi de Pauliña (Treze Catorze), á que seguiron a súa compañeira Lorena e Ana Diz (Faísca).
• Pero realmente impresionante foi comprobar o altísimo nivel que están a acadar as palanadoras, e non só a base de varados. Lorena de Treze Catorze quedou co premio á mellor muller do torneo, ao caer en cuartos diante do campión e líder do campionato: Chupi. O sábado tamén pasaron de rolda Fátima, Ana Diz, Pauliña e María da Ghudalla. Elas as cinco parecen as máis fortes desta tempada,...

(Máis en http://lnbsur.wordpress.com/)

Pois noraboa raparigas, e a seguir entrenando!